நம் பிள்ளைகளுக்கு தமிழில் உயிரினங்களை கற்றுக்கொடுப்போம்

"சினுக்கு சிட்டான் சிட்டுகுருவிக்கு காய்ச்சல் அடிச்சிச்சாம்
பக்கத்துக்கு வீட்டு பஞ்சு சிட்டு பதறி வந்துடுச்சாம்
தேன் சிட்டு தங்கச்சிக்கு சேதி போய்டுச்சாம்
துடிச்சிப் போய் அதும் வந்து துணைக்கு குந்திகிச்சாம்
ஊசி தட்டான் டாக்டர் வந்து ஊசி போட்டாரு
காசு வாங்க மறந்து அவரு பறந்து போனாரு"...
இப்படி வித விதமாய் பாட்டு பாடி மற்ற உயிரினகளோடு விளையாடிய நம் பிள்ளைகள் இப்போது கொசு பேட்டில் கொசு அடித்து விளையாடிக் கொண்டிருக்கிறது.
அடுத்த தலைமுறைக்கு உயிரனங்களை நேசிக்க கற்றுக் கொடுக்காமல் இல்லையென்றாலும் பரவாயில்லை ..குறைந்தபட்சம் வெறுக்காமல் இருக்க கற்றுக் கொடுத்தால்கூடப் போதும்.
என் நண்பர் தியோடர் பாஸ்கர் அழகாய் சொல்வார்
பிடி,களிறு,வேழம்,கொம்பன் என்று பலவிதமான பெயர்களை யானைக்கு வைத்த தமிழனின் பிள்ளைகள் அந்த மரபுச் செல்வம் பற்றி அறியாது ஆங்கிலத்தில் படித்துக் கொண்டு இருக்கிறார்கள்.இங்கிலாந்தில் இல்லாத உயிரினமான யானையைக் குறிக்க elephant என்ற ஒற்றை சொல் மட்டுமே இருக்கிறது.புலியைக் குறிக்க மட்டுமே 11 சொற்கள் நம்மிடம் இருகின்றன.நூறுக்கும் அதிகமான பூக்களின் பெயர்களை பட்டியலிட்டு குறிஞ்சிப் பாட்டு எழுதியவர்களுக்கு,இன்று சுற்றுப் புறச் சூழலை தெரிந்துகொள்ள துறைச் சொற்கள் இல்லாமல் ஆங்கிலத்திடம் கடனாளியாக கடன் வாங்குகிறோம். அறிவியல் பூர்வமாக இயற்கையை போற்றிய தமிழரின் பிள்ளைகள் இன்று,ஷாப்பிங் காம்ப்ளெக்ஸ்களுக்கும்,தீம் பார்க்குகளுக்கும் பள்ளி சுற்றுலா போகும் அவலத்தை எங்கே சென்று முறையிடுவது.இயற்கையை அறிந்துக் கொள்ளாமல் இயந்திரங்களோடு வாழ்வதால் உற்சாக பானங்கள் ஏராளமாக விற்பனை ஆகின்றன..
டால்பினை வெளிநாட்டு உயிராக பார்க்கிற நமக்கு அதை ஓங்கில் என்று நம் முன்னோர்கள் அழைத்த விவரம் தெரியாது.
இனியாவது

நம் பிள்ளைகளுக்கு தமிழில் உயிரினங்களை கற்றுக்கொடுப்போம்...  

பனிக்கரடிகள் எப்போதுமே பெங்குவினை சாப்பிடுவதில்லை...!

பனிப்பிரதேசதில் காணப்படும் பனிக்கரடிகள் எப்போதுமே பெங்குவினை சாப்பிடுவதில்லை ஏன் தெரியுமா?
இரண்டும் ஒன்றை ஒன்று சந்திப்பதே இல்லை.
பனிக்கரடிகள் வாழ்வது ஆர்டிக்,பெங்குவின் வாழ்வது அண்டார்டிகா..
இது வேறு துருவம் அது வேறு துருவம்.
எனவே ஒன்றை மற்றொன்று சந்திக்க வாய்ப்பே இல்லை.

இந்த ஆர்டிக் கண்டம்,அண்டார்டிக் கண்டம் இரண்டிற்கும் தமிழில் பெயருள்ளது. ஆதிக்கண்டம்,அந்தக்கண்டம் என்று.....இதுவே ஆங்கிலத்தில் இப்படி மருவியுள்ளதோ.அக்காலத்திலேயே திரைமீளர்களானா தமிழர்களின் கால் படாத இடமே உலகில் இல்லை போலும்...

இரத்தம் சிவப்பா வருது.

என் மூக்கில் உள்ள கொம்ப உடச்சி அதில் என் பொம்மையே செய்து விக்கிறீங்க..அதான் நானும் உங்க மூக்க அறுத்து பார்த்தேன்..வருது இரத்தம் வருது.நான் அறுத்தாலும் இரத்தம் வருது..அதுவும் சிவப்பா வருது...

பள்ளிக்கரணை சதுப்புநிலம்

The Pallikaranai marsh, the last of the wetlands in the region of tamil nadu. 

பள்ளிக்கரணை சதுப்புநிலம் சென்னையில் பள்ளிக்கரணைக்கு அருகில் இருக்கும் ஒரு நன்னீரையுடைய சதுப்புநிலமாகும்.தென்சென்னைக்கு தண்ணீர் கொடுக்கும் பகுதி குப்பைகிடங்காக மாறிக்கொண்டே வருகிறது.
 சென்னையில் மத்தியகைலாஷ் முதல் மேடவாக்கம்,முத்துக்காடு வரை 5,000 ஹெக்டேர் பரப்பளவுக்கு விரிந்து இருந்த பள்ளிக்கரணை சதுப்பு நிலம் தற்ப்போது பெருங்குடிக்குப் பக்கத்தில் வெறும் 500 ஹெக்டேர் பரப்பளவுக்கு குறைந்துள்ளது. இது முதலில் இருந்த அளவிற்க்கு பத்தில் ஒரு பகுதிதான் என்பது வருத்தத்திற்க்கு உரியது.
இந்த நிகழ்வு சுமார் 30-40 ஆண்டுகளுக்குள் நடந்த ஒன்றுதான். தற்ப்போது இயற்கையாளர்களின் தொடர் போராட்டத்துக்குப் பின், 2007இல் அரசு எஞ்சியுள்ள நீர்நிலையை பாதுகாக்கப்பட்ட காட்டுப் பகுதி என்று அறிவித்தது. அரசால் அமைக்கப்பட்டுள்ள அறிவிப்புப் பலகைகளை இரு பக்கமும் பார்க்க முடிகிறது. ஆனால் பறவை வேட்டையைத் தடுக்க எந்த வனக் காவலர்களையும் அரசு நியமிக்கவில்லை.இங்கு நீலத் தாழைக்கோழிகள், நாமக்கோழிகள், முக்குளிப்பான்கள், நீளவால் இலைக்கோழிகள் (Pheasant tailed jacana), நெடுங்கால் உள்ளான் (Black winged stilt), வாத்துகள் போன்றவைகளைக்கான முடியும். கூழைக்கடா எனப்படும் பெலிகன் பறவைகளின் ஆஸ்தான ஓய்விடம் இது ஆகும். நீலத் தாழைக்கோழிகள் (Purple moorhen) காய்ந்த வெங்காயத் தாமரை இடையே பெருமளவு இரை தேடிக் கொண்டிப்பதைக்காணலம். முக்குளிப்பான்கள் (Little Grebe) நொடிக்கொரு தரம் நீரில் மூழ்கி இரை தேடுவதைப்பார்க்கலாம், நாமக் கோழிகள் (Common Coot) சிறுசிறு குழுக்களாக நீந்தி இரை தேடிய கொண்டிருக்கும். மற்றும் குஜராத்தில் இருந்துபூநாரைகள் (ஃபிளாமிங்கோ) போன்றவையும் வரிகை தருகின்றன. நீலத் தாழைக்கோழிகள், நாமக்கோழிகள், முக்குளிப்பான் ஆகியவற்றுடன், பல்வஸ் சீழ்க்கைச் சிறகி (Fulvous Whistling duck) எனப்படும் அரிய வாத்து வந்ததை மெட்ராஸ் நேச்சுரலிஸ்ட்ஸ் சொசைட்டியில் பதிவு செய்யப்பட்டுள்ளது. தண்ணீர்க் கோழி (பெண்) (Watercock), சாம்பல் கதிர்க்குருவி (Ashy prinia), காக்கை, கள்ளப்பருந்து, கரிச்சான், கதிர்க்குருவிகள், சீழ்க்கைச் சிறகி, சாம்பல் ஆள்காட்டி (Whitetailed Lapwing), பறவைகள் (Glossy ibis) போன்றவையையும் காணலாம்